អីយ៉ា! ដំបូលផ្ទះ​ក៏អាច​ធ្វើ​ស្រែ​បានដែរ​

ចិន៖ រឿងចម្លែកៗជាច្រើន បានកើតមានឡើង ជាបន្តបន្ទាប់ នៅក្នុងប្រទេសចិន។ រឿងចម្លែកថ្មីមួយទៀត បានកើតឡើង ដោយសារតែ គ្រួសារកសិករ របស់លោក Peng Quigen រស់នៅទីក្រុង Shaoxing ខេត្ត Zhejiang ប្រទេសចិន បានយកដំបូលផ្ទះ របស់ខ្លួន ធ្វើជាវាលស្រែស្ទូងស្រូវទៅវិញ។
ជាមួយនឹងផ្ទះកម្ពស់ ៤ជាន់ លោក Peng Quigen និងក្រុមគ្រួសារ បានប្រើប្រាស់ ដំបូលផ្ទះ ដើម្បីដាំបន្លែ ផ្លែឈើ និងដំនាំស្រូវ ធ្វើឲ្យមាន ការចាប់អារម្មណ៍ ពីសំណាក់ប្រជាជន រស់នៅក្នុងតំបន់ និងភ្ញៀវទេសចរផងដែរ។
ទោះបីជាដំបូលផ្ទះ របស់លោក Peng Quigen មានលក្ខណៈតូចក្តី ប៉ុន្តែគាត់បាន ទទួលផល ពីដំណាំដែលគាត់បានដាំ សម្រាប់ការប្រើប្រាស់ ក្នុងក្រុមគ្រួសារ យ៉ាងបរិបូរណ៌ ហើយផលដែលគាត់ ទទួលបាន មានការកើនឡើង ជារៀងរាល់ឆ្នាំ៕

 

ប្រភព៖lookingtoday